ВАЪДАИ РОҲБАРИЯТ ИҶРО НАШУДА МОНД

           Душанбе, 29 декабр. (АМИТ «Ховар», Лаззат Диловарзод).- Ҷамъбасти 11-моҳа дар фаъолияти соҳаҳои хоҷагии халқи шаҳри Ваҳдат дар баробари муваффақият камбудиҳоро низ ошкор сохт. Ноҳия дар соҳаи аз ҳама муҳими хоҷагӣ — пахтакорӣ муваффақ нагардид. Ваъдаи роҳбарияти ноҳия дар семинари умумиҷумҳуриявӣ бахшида ба иҷрои Амри Президенти Ҷумҳурии Тоҷикистон ҷиҳати истифодаи самараноки замин, ҳангоми ҷамъоварии пахта, ангур ва полезӣ иҷро нашуда монд. Татбиқи амалии муроҷиатномаи Президенти Ҷумҳурии Тоҷикистон оид ба корҳои ободонӣ, кабудизоркунӣ, беҳдошти сатҳи иқтисодӣ, фарҳангию иҷтимоии аҳли диёр имрӯзҳо асоси фаъолияти тамоми мардуми ноҳия аст. Дар ҳудуди шаҳр 7 зеркомиссия таъсис ёфт, ки тавассути он каналу ҷӯйҳо аз гилу лой ва партов тоза карда шуданд.