ЯРМАРКАИ ИДОНА БА МУНОСИБАТИ СОЛИ НАВ

                 Душанбе, 6 декабр. ( АМИТ «Ховар», Тахмина Ғоибназарова. Имрӯз дар шаҳри Душанбе ярмаркаи навбатии ҳаштуми ҳарсолаи солинавӣ кушода мешавад, ки дар он намунаҳои беҳтарини маҳсули дастони устоҳои халқӣ ба маърази тамошо гузошта хоҳанд шуд. Инчунин дар доираи ярмарка намоишгоҳҳои асарҳои рассомони ҷавон, асарҳои бачагони маъюб ва асарҳои шогирдони толори бадеии рассомӣ кушода мешавад. Дар мағозаи махсус маҳсули дастони устоҳои халқии ноҳияи Мурғоб ба фурӯш гузошта мешаванд. Дар ин ҷо сӯзанӣ, асбобу анҷоми сафолӣ, асбобҳои мусиқӣ, асбобу анҷоми меҳнат ва шикор, инчунин либосҳои аз пӯсти ҳайвонот дӯхташударо харидан мумкин аст.                 Ташкилкунандагони ярмарка маркази фарҳангии «Бохтар», Бунёди Кристенсен ва созмони байналхалқии ғайриҳукуматии АСТЕД -и Фаронса мебошанд.