ЗАХИРАИ ЗИМИСТОНАИ ХӮРОКИ ЧОРВО КАМ ШУД

Душанбе, 27 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, соли ҷорӣ барои зимистонгузаронии чорво дар корхонаҳои кишоварзӣ ва хоҷагиҳои деҳқонӣ (фермерӣ) 211 ҳазору 792 тонна, ё баробар ба 76 фоизи нақшаи солона хӯроки чорво захира карда шудааст.  Иҷрои нақшаи захираи хӯроки чорво дар вилояти Суғд ба андозаи 69 фоиз, ноҳияи Роғун-54 фоиз, Шаҳринав-39, Турсунзода-36, Варзоб-33 фоизро ташкил медиҳад. Барои ҳар сар чорво ба ҳисоби миёна 8,1-сентнерӣ хӯрока захира карда шудааст. Дар хоҷагиҳои вилояти Суғд 1,3 сентнер, ноҳияи Турсунзода-6,2, Шаҳринав-5,1, Варзоб-3,2 ва Роғун 2,6-сентнерӣ хӯрока кам захира карда шудааст.