10705 ОБЪЕКТ ХУСУСӢ ГАРДОНИДА ШУД

                Душанбе, 29 январ. (АМИТ «Ховар», Бекназари Абӯбакр). — Дар давоми соли 2008 дар ҷумҳурӣ 537 объекти ғайриманқул ва аз аввали хусусигардонӣ 10705 объект хусусӣ гардонида шуд.                Дар Кумитаи давлатии сармоягузорӣ ва идораи амволи давлатӣ ба мухбири АМИТ «Ховар» гуфтанд, ки дар давоми соли сипаригашта хусусигардонии амволи давлатӣ дар соҳаҳои савдо ва хӯроки умумӣ 6,9 фоиз, саноат 9,3 фоиз ва кишоварзӣ 43,9 фоизро ташкил медиҳад.                Мавриди ёдоварист, ки аз оғози хусусигардонӣ то 1 январи соли ҷорӣ дар ҷумҳурӣ 254,7 ҳазор квартира хусусӣ гардонида шудааст. Аз ҷумла, 189,1 ҳазор квартира фурӯхта шуда, 3,6 ҳазор квартира бо қисман пардохтани пулаш ва 62 ҳазор квартираи дигар бепул хусусӣ гардонида шудааст.