ҲОМИЛАДОРКУНИИ СУНЪИИ ЗАН ХИЛОФИ ҚОНУН НЕСТ

                 Душанбе, 31 январ. (АМИТ «Ховар», Лаззат Диловарзод).- Дар асоси қонунгузориҳои ҷаҳони ислом муолиҷаи безурётӣ на танҳо мумкин аст, балки он тавсия дода мешавад,- мегӯяд директории маркази солимии репродуктивии ҷумҳурӣ, номзади илмҳои тиб Шамсиддин Қурбонов.                Тибқи фатвои муфтии Миср Шайх Ҷад Алҳақ(соли 1980), -муолиҷаи бемориҳо бо роҳҳои қонунӣ дар ислом ҳатмӣ мебошад; безурётӣ бошад, аз он истисно нест.               Меъёрҳои қонунгузорииТоҷикистон вобаста ба табобати безурётӣ, аз ҷумла ҳомиладоркунии сунъиро ҳангоми безурётӣ иҷозат додааст, ки он ҳанӯз соли 2002 дар Қонуни Ҷумҳурии Тоҷикистон «Дар бораи солимии репродуктивӣ ва ҳуқуқи репродуктивӣ» қабул карда шудааст.               Бо мақсади амалӣ шудани ин Қонун соли 2005 дар ҷумҳурӣ шӯъбаи гинекологияи эндрокринологӣ таъсис ёфт.