ҲОСИЛИ ЭКСТЕНСИВИИ КАРТОШКА ДАР ТОҶИКОБОД

           Душанбе, 19 январ. (АМИТ «Ховар», Лаззат Диловарзод).- Соли 2008 дар натиҷаи хунукиҳои шаддиди зимистон як қисми тухмии картошка талаф ёфт ва барои дастрас кардани тухмии иловагӣ ба Вазоати кишоварзӣ муроҷиат намудем,-иброз дошт раиси ноҳияи Тоҷикобод Махсум Фозилов. Илова ба 1126 тонна захираи тухмии картошкаи хоҷагиҳои ноҳияи Тоҷикобод аз Федератсияи Россия, ноҳияҳои Гончӣ ва Тавилдара 150 тонна картошкаҳои навъи «Кординал» ва «Пикассо» дастрас намуда, дар майдони 910 гектар кишт карда шуд. Хоҷагиҳои деҳқонӣ (фермерӣ)-и ноҳия соли 2008 бештар аз 28 ҳазор тонна картошка истеҳсол намуданд. Соли 2009 дар ноҳия хоҷагиҳқонӣ деҳқонӣ (фермерӣ) бо роҳи экстенсивӣ ба даст овардани  беш аз 30 ҳазор тонна картошкаро пешбинӣ мекунанд.