ҶАЛАСАИ ШӮРОИ КОР БО ҶАВОНОНИ ИДМ

                  Душанбе, 28 январ. (АМИТ «Ховар», Пайрав Назаров).- Дар пойтахти Ҷумҳурии Қирғизистон — шаҳри Бишкек 29-30 январи соли ҷорӣ ҷаласаи Шӯрои кор бо ҷавонони кишварҳои узви Иттиҳоди Давлатҳои Мустақил (ИДМ) баргузор мегардад.                  Тибқи нақша, дар назар аст, ки иштирокчиёни ҷаласа масъалаҳои татбиқи барномаҳои сиёсати ҷавонон, дурнамои рушди равобити бисёрҷонибаи ҷавонон дар доираи ИДМ, ҳамзамон тасдиқи нақшаи чорабиниҳо бахшида ба Соли ҷавонони кишварҳои аъзои ИДМ-ро муҳокима кунанд.                 Дар кори ҷаласа намояндагони Кумитаи иҷроия ва роҳбарону намояндагони вазорату кумитаҳои кор бо ҷавонони давлатҳои узви Иттиҳод иштирок мекунанд.                  Ёдовар мешавем, ки қарор оид ба гузаронидани ин ҷаласа моҳи январи соли гузашта дар шаҳри Мински Ҷумҳурии Белорус дар ҷаласаи роҳбарони мақомоти давлатии кор бо ҷавонони давлатҳои узви Иттиҳоди Давлатҳои Мустақил қабул гардида буд.