ҶАМЪБАСТИ КИШТИ ТИРАМОҲӢ МАНФӢ АСТ

         Душанбе, 6 январ. (АМИТ «Ховар», Лаззат Диловарзод).- Бино ба маълумоти омории Раёсати растанипарварии Вазорати кишоварзӣ, дар асоси дурнамои кишоварзон мебоист дар масоҳати 256 ҳазору 953 гектар кишти тирамоҳии зироатҳои ғалладона, картошка ва сабзавот гузаронида мешуд. Ҷамъбасти ҳисоботи оморӣ нишон дод, ки то 29-уми декабри соли 2008 аз масоҳати 3250 гектари барои кишти картошка пешбинишуда-559 га ё баробари 17 фоиз, сабзавот ба ҷойи 6050 га 3762 га ё 62,2 фоизи дурнамо кишт карда шудааст.        Умуман дар ҷумҳурӣ аз масоҳати 170 ҳазор гектар заминҳои обии барои кишти тирамоҳӣ пешбинишуда, ҳамагӣ дар масоҳати 123 ҳазору 552 гектар, ки ба 72,7 фоизи заминҳои обӣ баробар аст, кишт карда шудааст.