ҶАШНВОРАИ КИТОБҲОИ БАЧАГОНА

Душанбе, 4 январ. (НИАТ «Ховар», Лутфия Эшонкулова). – Моҳи апрел бахшида ба Рӯзи байналмиллалии  китобҳои бачагона дар Китобхонаи кӯдаконаи ба номи М. Миршакар  ҷашнвораи  ҷумҳуриявии китоб баргузор мегардад. Чорабинии мазкур дар доираи «Барномаи рушди фарҳанг» гузаронида мешавад,ки онро Вазорати фарҳанги ҷумҳурӣ таҳия кардааст. Тибқи барнома, ҷаншвора аз соли 2007 инҷониб ҳар сол баргузор мегардад. Дар он бачагон ва наврасони ҷумҳурӣ ширкат меварзанд. Айни  ҳол низомномаи ҷашнвора барои тасдиқ ба Вазорати фарҳанги ҶТ пешниҳод шудааст. Мухбири АМИТ «Ховар» хабар медиҳад, ки фестивал як ҳафта давом мекунад ва натиҷаҳои он дар Театри давлатии «Ҷавонон» ҷамъбаст карда мешаванд.