ҶТ АЗ РӮИ ЗАХИРАҲОИ ОБ МИЁНИ КИШВАРҲОИ ҶАҲОН ДАР ҶОИ 16-УМ

           Душанбе, 16 январ. (АМИТ «Ховар», Покиза Маҳмадбекова). – Аз рӯи иттилои вазорати захираҳои табиати Русия Тоҷикистон миёни бист кишвари ҷаҳон, ки ба ҳар сари аҳолӣ миқдори зиёдтарини истифодаи об рост меояд, мақоми 16-умро ишғол менамояд.            Тибқи ин маълумот, сокинон бо об аз ҳама бештар дар кишварҳое чун Канада, Норвегия ва Зеландияи Нав таъмин гаштаанд. Мувофиқи ҳисоби ҳаҷми оби нӯшокӣ ба ҳар сари аҳолӣ нишондиҳандаи ҳисоби миёнаи ҷаҳонӣ 5 ҳазору 418,3 метри мукааби обро ташкил медиҳад. Дар Тоҷикистон ин нишондиҳанда ба 10 ҳазору 469 метри мукааб ба ҳар сари аҳолӣ рост меояд.