1351 ТОННА КАМТАР ШОЛӢ ИСТЕҲСОЛ КАРДА ШУД

           Душанбе, 16 январ. (АМИТ «Ховар», Лаззат Диловарзод).- Дар Раёсати растанипарварии Вазорати кишоварзӣ ба мухбири АМИТ «Ховар»иттилоъ доданд, ки соли 2008 нисбат ба соли 2007 ба миқдори 1351 тонна камтар ҳосили шолӣ ба даст оварда шудааст, ки он сабаби боло рафтани нархи ин намуди маҳсулот дар бозорҳои шаҳру навоҳии ҷумҳурӣ гардид. Ҳосилнокии шолӣ низ дар соли сипаришуда мувофиқи талаботи парвариши ин соҳа дар хоҷагиҳо ба роҳ монда нашуд. Ин нишондиҳанда дар муқоиса нисбат ба соли 2007 дар хоҷагиҳои вилояти Суғд ба миқдори 0,6 сентнер, ноҳияҳои тобеи ҷумҳурӣ -0,2 сентнерӣ камтар ҳосил гирифта шудааст. Шоликорони вилояти Хатлон бошанд бар акс, ҳосили шолиро ба 30,4 сентнерӣ расониданд, ки нисбат ба соли 2007 аз ҳар гектар 4 сентнерӣ зиёд мебошад.