155 НЕРӮГОҲҲОИ ХУРДИ БАРҚИИ ОБӢ МАВРИДИ ИСТИФОДА ҚАРОР ГИРИФТАНД

              Душанбе, 21 январ. (АМИТ «Ховар», Лаззат Диловарзод).- Бино ба маълумоти Вазорати энергетика ва саноат то 1-уми январи соли 2009 дар ҳудуди Тоҷикистон 155 нерӯгоҳҳои хурди барқи обӣ бо иқтидори 12 ҳазору 586 кВт соат сохта ба истифода дода шудааст.               Аз миқдори умумии нерӯгоҳҳои хурди барқи обӣ 102 -тои он бо иқтидори 4603 кВт соат ва 53-тоашон бо иқтидори 7983 кВт соат фаъолият мекунанд.              Дар давоми моҳи январ-декабри соли 2008 ин нерӯгоҳҳо ба миқдори 19,5 млн. кВт соат нерӯи барқ истеҳсол карданд.              Дар соли 2009 шумораи нерӯгоҳҳои хурди барқӣ зиёд карда мешаванд. Бо ин мақсад сармоягузории дохилӣ ва хориҷӣ бештар ҷалб карда мешавад.