357 МАРОТИБА ЗАМИН МУҲОКИМА КАРДА ШУД

          Душанбе, 16 январ. (АМИТ «Ховар», Лаззат Диловарзод).-  Баробари баҳсҳои зиёд оид ба истифодаи замин, он мавриди ғорат ҳам қарор ммегирад. Бино ба суханони прокурори генералии Ҷумҳурии Тоҷикистон Бобоҷон Бобохонов, соли 2008 мақомоти прокуратураи ҷумҳурӣ масъалаҳои марбут ба истифодабарии заминро 357 маротиба мавриди муҳокима қарор доданд. Вобаста ба масъалаи мазкур, ба масъулини шаҳру навоҳӣ ва вилоёти кишвар 498 пешниҳод ироа карда шудааст. 1300 гектар замин, ки ғайриқонунӣ барои сохтмони манзил аз ҷониби раисони ҷамоатҳои шаҳу деҳот ба шаҳрвандон дода шуда буд, ба ҳолати аввалааш баргардонида шуд.  Аз ҷониби мақомоти прокуратура ба 30 ҳазор санади ҷамоатҳо эътироз овардашуда, нисбати чанд нафар раисони кумитаҳои заминсозӣ ва раисони ҷамоатҳо павандаи ҷиноятӣ боз карда шудааст.