АФЗОИШИ ИСТЕҲСОЛИ АНГИШТ ДАР СУҒД

        Душанбе, 4 январ. (АМИТ «Ховар», Бекназари Абӯбакр). —  Корхонаҳои истеҳсоли ангишти вилояти Суғд ҳаҷми истеҳсоли ангиштро зиёд намудаанд. Аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, ки бо дарназардошти нишондиҳандаҳои декабри соли гузашта, корхонаҳои «Ангишт»-и ноҳияи Исфара, «Моғиён»-и ноҳияи Панҷакент, «Фон — Яғноб» ва «Анзоб»-и ноҳияи Айнӣ ва «Кони ангишти Ғузн»-и ноҳияи Кӯҳистони Мастчоҳ 62,7 ҳазор тонна ангишт истеҳсол карданд, ки ин нисбат ба ҳаҷми афзоиши соли 2006-ум 125 фоизро ташкил дод.