АМАЛИЁТИ ОБ БАРОИ ҲАЁТ ДАР МИНТАҚАИ КӮЛОБ

            Душанбе, 15 январ. (АМИТ «Ховар», Лаззат Диловарзод).-Минтақаи Кӯлоб  яке аз  калонтарин минтақаҳои вилояти Хатлон маҳсуб меёбад. Заминҳои  кишоварзии вилоят бахусус, минтақаи Кӯлоб, тавассути каналу пойгоҳҳои обкашӣ обёрӣ карда мешаванд. Аз ин рӯ тозаю омода сохтани иншооти обрасонӣ аз масъалаҳои асосии минтақа аст. Дар раванди даҳсолаи байналмилалии «Об барои ҳаёт» корҳои зиёде дар ин самт амалӣ гардид. Тибқи чорабиниҳои Бозрасии ҳифзи муҳити зисти ин минтақа,14 каналу пойгоҳҳои обкашӣ, ки барои кишоварзони   диёр хизмат мерасонанд, тоза карда шуданд. Дар раванди амалиёт барои тоза нигоҳ доштани сойи Тебалай, Девонасой, Бештегирмон, канали Кӯлобдарё, Деҳқонариқ ба ҳолати мӯътадили экологию санитарӣ оварда шуданд.