АМНИЯТИ ОЗУҚАВОРӢ ТАЪМИН МЕГАРДАД

         Душанбе, 6 январ. (АМИТ «Ховар», Лаззат Диловарзод).- Бино ба суханони раиси ноҳияи Дарвоз Сайдалӣ Мусофиров, бо мақсади таъмини амнияти озуқаворӣ ҳаҷми умумии маҳсулоти озуқаворӣ дар ноҳия сол аз сол зиёд карда мешавад. Танҳо соли 2008 ҳаҷми умумии маҳсулот дар ноҳия ба 35 млн. сомонӣ расонида шуд.        Нишондиҳандаҳои дурнамо далели онанд, ки ҳар сол истеҳсоли маҷмӯи маҳсулоти саноатӣ беш аз 1,5 маротиба, кишоварзӣ -13, гардиши савдои чакана-20,5, хизматрасонии пулакӣ-72, истеҳсоли ғалла-6,6 ва асал беш аз 4 фоиз зиёд карда мешавад, ки ҳамаи ин дар таъмини амнияти озуқавории ноҳия   мусоидат карда метавонад.