АЗ ҚӮРҒОНТЕППА БА МАСКАВ ТАЙЁРАҲОИ «БОИНГ» ПАРВОЗ МЕКУНАНД

         Қӯрғонтеппа, 19 январ. (АМИТ «Ховар», Мурод Сотиев).- Теъдоди парвози ҳавопаймоҳои боркашу мусофирбар аз шаҳри Қӯрғонтеппа ба Федератсияи Русия аз моҳи феврали соли равон сар карда, бештар хоҳад гашт. Корманди масъули  фурудгоҳи байналхалқии Қӯғонтеппа Файзалӣ Тӯраев ба мухбири АМИТ «Ховар» гуфт, ки  аз моҳи феврал сар карда, аз шаҳри Қӯрғонтеппа ба пойтахти Русия ҳавопаймоҳои  нави  «Боинг 737 -200» парвоз мекунанд. Ин имкон медиҳад, ки  теъдоди ҳамлу нақли мусофирон бештар карда шавад. Т.Тӯраев афзуд, ки дар давраи аввал ҳавопаймоҳо  ҳафтае як бор парвоз мекунанд. Баъд бо назардошти афзудани теъдоди мусофирон шумораи парвози онҳо зиёд карда мешавад.