CАНДУҚИ ҚАРЗИИ ҶСК «ОРИЁНБОНК»

Душанбе, 13 январ. (АМИТ «Ховар», Покиза Маҳмадбекова). — Сандуқи қарзии ҶСК «Ориёнбонк» ба санаи 31 декабри соли 2008  маблағи 753 миллиону 823 ҳазору 621 сомониро ташкил намуд. Ба мухбири АМИТ «Ховар» аз бонки мазкур иттилоъ доданд, ки  сохтори соҳавии қарзҳои ҷойгиркардашудаи бонкро ба таври зерин нишон додан мумкин аст: Бо асъори миллӣ корхонаҳои тиҷоратии шахсӣ  77,52%, корхонаҳои хоҷагии қишлоқ  16,95%, корхонаҳои давлатӣ 1,80% ва шахсони воқеӣ  3,73%.            Бо асъори хориҷӣ бошад, қарзи корхонаҳои тиҷоратии шахсӣ 62,52%,  корхонаҳои хоҷагии қишлоқ  13,66%, корхонаҳои давлатӣ 23,70%  ва  шахсони воқеӣ 0,12%-ро ташкил намуданд.