ДАР ТОҶИКИСТОН САТҲИ ҶИНОЯТКОРӢ КОҲИШ МЕЁБАД

        Душанбе,  5  январ. (АМИТ «Ховар»,  Покиза  Маҳмадбекова). – Мувофиқи  маълумоти Кумитаи  байнидавлатии  омори  ИДМ,  сатҳи  ҷинояткорӣ  дар  Тоҷикистон  охири  соли  2008 – ум  4  фоиз  коҳиш  ёфтааст. Ҳамзамон теъдоди  ҷиноятҳои  вобаста ба   хариду  фурӯши  ғайриқонунӣ ва  истеъмоли   маводи  нашъадор  дар  ин  давра  3  фоиз  кам  шуд.        Миқдори  умумии  ҷиноятҳои  соли  2008  дар  мамлакатҳои  ИДМ  ба  қайд  гирифташуда  нисбат ба  соли 2007 ба  ҳисоби  миёна  11  фоиз   кам  мебошад. Аз  рӯи  маълумоти  омор   дар  ин  давра  миқдори  ҷиноят  дар  Озарбойҷон,  Арманистон, Қирғизистон, Молдавия  ва  Қазоқистон  нисбатан  афзудааст.