ДАР ВАРЗОБ БИНОИ НАВИ СУДИ НОҲИЯ ҚОМАТ АФРОХТ

         Душанбе, 9 январ.(АМИТ «Ховар», Марзия Саидова).-10 январ дар маркази ноҳияи Варзоб бинои нави Суди ноҳия ба истифода дода мешавад. Дар маросими ифтитоҳи он кормандони масъули Дастгоҳи иҷроияи Президенти ҷумҳурӣ, намояндагони Суди Олии ҷумҳурӣ, Шӯрои аддия ва мақомоти иҷроияи маҳаллии ҳокимияти давлатии ноҳияи Варзоб иштирок менамоянд. Бинои нави суди ноҳияи Варзоб аз ҷониби Фонди миллии «Шоҳроҳи абрешим —  шоҳроҳи ваҳдат» дар масоҳати 200 метри мураббаъ сохта шуда, аз 1 ошёна ва 9 утоқи корӣ иборат аст. Тибқи иттилоъи раиси Фонди миллии Шоҳроҳи абрешим — шоҳроҳи ваҳдат»  Абдуғанӣ Мамадазимов, бинои мазкур аз ҷониби сохтмончиёни маҳаллӣ бо усули муосири меъморӣ ва хушсифат дар муддати кӯтоҳ бунёд гардидааст.