ФАЛОКАТИ НАҚЛИЁТ

          Қӯрғонтеппа,  4  январ. (АМИТ «Ховар,  Мурод  Сотиев). —  Дар  роҳи  мошингарди  Ёвон — Ҷомӣ  фалокати  нақлиёт  рух  дод. Корманди  калони  шӯъбаи  назорату  таблиғоти Идораи  бозрасии  давлатии  автомобили  вилояти  Хатлон  Ёрмаҳмад  Давлатов   ба  мухбири  АМИТ «Ховар»  хабар  дод, ки  ронандаи  мошини  сабукрави тамғаи  «Дайво»  Мурод  Холмуродов   зимни  ҳаракат   дар  километри  даҳуми  роҳи  зикршуда  дар   ҳудуди  деҳаи Олӣ  Совет  суръати  ҳаракатро   аз  меъёр  зиёд  карда,  ба  хати  ҳаракати  муқобил  баромад ва баъд  аз  ӯҳдаи  идораи  мошин  набаромада, ба  дарахти  канори  роҳ  бархӯрд.  Дар  натиҷа   ду  мусофири  мошин   дар  ҷои  воқеа  ҳалок  шуд.  Худи  ронанда  сахт  маҷрӯҳ  гардид ва  ба  шифохона  фиристода шуд.         Ба  қавли  Ё.Давлатов,   сабаби  асосии   қисмати  бештари  фалокатҳои  роҳу  нақлиёт  ба  қоидаҳои  ҳаракати  роҳ  риоя  накардани  ронандагон  мебошад.