ФУТБОЛ: САРМУРАББИИ НАВИ ТИМИ МУНТАХАБИ ОЛИМПИИ ТОҶИКИСТОН

Душанбе, 8 янавр. (АМИТ «Ховар», Пайрав Назаров).- Федератсияи футболи Тоҷикистон ҳайати мураббиёни тими мунтахаби олимпии ҷумҳуриро барои соли нав интихоб кард. Аз ФФТ ба АМИТ «Ховар» хабар доданд, ки ба вазифаи сармураббии тими мунтахаби олимпии Тоҷикистон мураббии хизматнишондодаи ИҶШС  оид ба футбол Шариф Назаров интихоб шуд. Ӯ дар ин мансаб Салоҳиддин Ғафуровро иваз кард.          Инчунин, ба ҳайати мураббиёни ин тим Ибодулло Қаюмов ва Носир Ҳамидов шомил шуданд. Дар нақшаи аввали ҳайати нав омода намудани тими мунтахаби олимпӣ ба 2-умин Бозиҳои Исломӣ (Эрон) ва бозиҳои интихобии олимпӣ 2012, ки дар Лондон баргузор мегарданд, масъалаи асосӣ ба шумор меравад.