ИМА МАВҚЕИ ХУДРО ДАР ҚИРҒИЗИСТОН МУСТАҲКАМ МЕНАМОЯД

           Душанбе, 19 январ. (АМИТ «Ховар», Наргис Бойахмедова).- Фармондеҳи қувваҳои ҳарбии ИМА дар Шарқи Наздик ва  Осиёи Марказӣ Давид Петреус ба хабарнигорон гуфт, ки маъмурияти мамлакаташ қарор додааст, мавқеи худро дар  Қирғизистон мустаҳкамтар сохта, аз пойгоҳи низомии «Манас» дар ин мамлакат бештар истифода барад. Ин на танҳо ба манфиати мост, балки ба манфиати таъмини амнияти минтақа ва саросари ҷаҳон мебошад. Ҳадафи мо ба эътидол овардани вазъияти Афғонистон ва  бастани роҳи  паҳншавии  маводи нашъадор мебошад. Мо  ба  ифротгароён роҳ намедиҳем, ки  дар Афғонистон  ба сари ҳокимият омада, қаламрави онро барои ҳуҷум ба мамлакатҳои дигар истифода баранд, гуфт Д.Петреус.