ИШТИРОКИ ПАЛАТАИ САВДО ДАР 70 НАМОИШГОҲ

          Душанбе, 3 январ. (АМИТ «Ховар», Лаззат Диловарзод).- Бино ба иттилои  Палатаи савдо ва саноат, бо мақсади амалӣ намудани лоиҳаи Маркази байналмилалии намошгоҳ дар пойтахти кишвар-шаҳри Душанбе, аз Ҳукумати ҷумҳурӣ барои сохтмони намоишгоҳ қитъаи замин дархост карда шуд. Тибқи нақша, дар шаҳри Душанбе сохтмони Маркази байналмилалии намоишгоҳ дар назар аст.           Мақсад аз ташкил ва сохтмони намоишгоҳ, ин нафақат ташкили фурӯши маҳсулоти истеҳсолкунанда, балки муаррифии истеҳсолкунандагон бо истеъмолкунандагон, намоиш ва фурӯши технологияи муоссири соҳаҳои гуногуни истеҳсолӣ, ба роҳ мондани робитаҳои нави корӣ, имзои қарордоду шартномаҳои ҳамкорӣ ва таъсиси корхонаҳои муштарак мебошад. Палатаи савдо ва саноати Тоҷикистон дар давоми 5 соли гузашта дар ташкил ва гузаронидани 70 намоишгоҳи байналмилалӣ саҳми арзанда дорад.