КОНСЕПСИЯ ВА ДУРНАМОИ ПАРРАНДАПАРВАРӢ

           Душанбе, 13 январ. (АМИТ «Ховар», Лаззат Диловарзод).- Дар «Консепсияи аграрии Ҷумҳурии Тоҷикистон», ки 26-уми декабри соли 2008 қабул карда шудааст, вобаста ба сиёсати дурусти хусусигардонӣ, дурнамои паррандапарварӣ фикру андешаҳои олимони соҳа дар бораи саноатикунонии соҳаи паррандапарварӣ ба тарзи асоснок заминагузорӣ  карда шудааст.           Бо ин мақсад азнавсозии техникӣ ва тармиму навсозии фабрикаҳои паррандапарварии ҷумҳурӣ аз ҳисоби ҷалби инвеститсияҳо ва дар якҷоягӣ бо онҳо ташкил додани корхонаҳои муштараки истеҳсоли тухм ва гӯшти парранда идома хоҳад ёфт. Ин тадбир имкон медиҳад, ки эҳтиёҷи воридот ба тухму гӯшти парранда аз хориҷи кишвар камтар гардад.         Ёдовар мешавем, ки истеҳсоли тухм дар ҷумҳурӣ то моҳи декабри соли 2008 ба 1561790 дона расонида шудааст ва дар назар аст, ки дар соли 2009 ду баробар зиёд карда шавад.