НАҚШАҲО ИҶРО ШУДАНД

         Душанбе , 13 январ. ( АМИТ «Ховар», Покиза Маҳмадбекова).- Палатаи савдо ва саноати ҷумҳурӣ дар давоми соли 2008 ба мизоҷонаш ба маблағи 3 миллиону 470,5 ҳазор сомонӣ хизматҳои гуногун расонд. Дар натиҷа нақшаи солонаи  палата 138 фоиз иҷро шуд.         Дар ин бора  имрӯз дар ҷараёни нишасти матбуотӣ хабар дода шуд. Муовини раиси  Палатаи савдо ва саноати ҷумҳурӣ  Асаналӣ Қарамалиев зикр намуд, ки мутахассисони палата сифат ва миқдори молҳои содиротию воридотиро  назорат ва ташхис намуда, дар бораи маҳалли истеҳсоли онҳо сертификат медиҳанд. Раёсати ташхису  сертификатсияи палата соли гузашта ба мизоҷон бештар аз 13 ҳазор сертификат дод. Инчунин бо палатаҳои савдо ва саноати мамлакатҳои ИДМ ва  мамлакатҳои  хориҷи дур 182 созишномаи ҳамкорӣ имзо шуд.