НИШАСТИ МАТБУОТӢ ДАР ВАЗОРАТИ ЭНЕРГЕТИКА ВА САНОАТИ ҶТ

                      Душанбе, 26 январ. (АМИТ «Ховар» Жасмин Назарова). Дар Вазорати энергетика ва саноати ҶТ нишасти матбуотӣ доир гардид. Дар нишасти мазкур ҷонишини якуми вазири энергетика ва саноати ҶТ Пулод Муҳиддинов ба саволҳои хабарнигорон муфассал ҷавоб дод. Ба гуфти П. Муҳиддинов корхонаҳое, ки бо вазорат дар асоси шартномаҳои дуҷониба фаъолият доранд ба маблағи 1 млрд. 391,2 млн. сомонӣ маҳсулоти саноатӣ истеҳсол намуданд. Рушди саноат дар тамоми минтақаҳо (ба истиснои ноҳияҳои тобеи ҷумҳурӣ) таъмин гардид. Ба гуфти мавсуф соли 2008 дар ҷумҳурӣ истеҳсоли нерӯи барқ 16 млрд. 111 млн. кВт ташкил дод. Дар соли гузашта аз чоҳҳои маҳаллии Тоҷикистон 12,1 млн. м/куб. гази табиӣ ба истифодабарандагон интиқол дода шуд. Ҳамчунин бештар аз 27 адад нерӯгоҳҳои хурди барқӣ сохта ба истифода дода шуд. Дар охир хабарнигорон ба саволҳои худ ҷавобҳои қаноатбахш гирифтанд.