ОҒОЗИ НИШАСТҲОИ МАТБУОТӢ ДАР ВАЗОРАТУ ИДОРАҲОИ МАМЛАКАТ

           Душанбе, 12 январ.(АМИТ «Ховар», Пайрав Назаров).- Имрӯз дар Тоҷикистон нишастҳои матбуотии вазорату идораҳои ҷумҳурӣ оғоз меёбанд, ки дар онҳо натиҷаҳои соли 2008  ҷамъбаст карда мешаванд. Имрӯз аз ҷумла  роҳбарони вазорати маориф, Кумитаҳои кор бо занон ва оила,  кор бо ҷавонон, варзиш ва сайёҳии назди Ҳукумати ҷумҳурӣ инчунин Агентии назорати маводи нашъадори назди Президенти ҷумҳурӣ дар бораи фаъолияти яксолаашон ба  хабарнигорон ҳисобот медиҳанд.           Мухбири АМИТ  «Ховар»  ёдовар мешавад, ки чунин нишастҳои матбуотӣ мувофиқи дастури Сардори давлат аз моҳи марти соли 2005 гузаронида мешаванд ва ҳадафи онҳо таъмини  шаффофияти фаъолияти вазорату идораҳо, мақомоти иҷроияи ҳокимияти давлатии маҳалҳо ва  додани имконият ба  хабарнигорон дар бобати дастрас намудани маълумот аз манбаъҳои расмӣ мебошад.