«ОРИЁНБОНК» БАРОИ ДОДАНИ ҚАРЗ БЕШТАР МАБЛАҒ ҶУДО МЕКУНАД

                                                           Душанбе, 14 январ. (АМИТ «Ховар», Покиза Маҳмадбекова).- Маблағи барои қарз ҷудо намудаи  Ҷамъияти саҳҳомии  «Ориёнбонк» то 31 декабри соли  2008 — ум  753 миллиону  823 ҳазору  621 сомониро ташкил дод. Соли гузашта  77,52  фоизи маблағи  мазкур ба муассисаҳои  тиҷоратии  хусусӣ, 16,95 фоиз ба корхонаю муассисаҳои соҳаи кишоварзӣ, 1,80  фоиз ба корхонаҳои давлатӣ ва  3,73  фоизи он  бо пули миллӣ ба шахсони алоҳида қарз дода шуд.       Бонк дар ин муддат бо асъори хориҷӣ ба корхонаҳои тиҷоратии хусусӣ ба андозаи 62,52 фоиз, ба корхонаю муассисаҳои кишоварзӣ 13,66 фоиз, корхонаҳои давлатӣ 23,70 фоиз ва ба одамони алоҳида ба андозаи 0,12 фоиз қарз додааст.