ОЗМУНИ «ҲАФТ ГАНҶИНАИ ТОҶИКИСТОН»

                      Душанбе, 29 январ. (АМИТ «Ховар», Темур Бандишоев). — Бо ташаббуси Созмони ҷамъиятии «Маркази рушди туризм» дар Тоҷикистон озмуни нахустини ҷумҳуриявии «Ҳафт ганҷинаи Тоҷикистон» гузаронида мешавад. Ҳадафи озмун афзун гардондани обрӯю эътибори Тоҷикистон ҳамчун минтақаи туризми байналхалқӣ мебошад. Тавре ки маълум аст дар мамлакати мо ҷойҳои тамошобоб, ёдгориҳои таърихӣ ва мавзеъҳои хушманзара хеле зиёданд.                       Дар натиҷаи озмун ёдгориҳои таърихию меъморӣ ва мавзеъҳои тамошобобу хушманзара интихоб карда, рӯӣхати онҳо тартиб дода мешавад.                     Тибқи нақша дар даври аввали озмун 28 ёдгории таърихию меъморӣ, гӯшаҳои хушманзараи табиат ва мавзеъҳои дилнишини мамлакат муайян карда мешаванд. Давраҳои дуюму сеюми озмун тавассути фиристодани маълумоти мухтасар ба воситаи телефонҳои мобилӣ ва почтаи электронӣ ҷамъбаст карда мешаванд. Ғолибони озмун дар даври сеюми он муайян карда хоҳанд шуд.                                                                                                                                          Тарҷумон — Қудратов А.