ПЕШРАВИҲОИ СОХТМОНИЧИЁН

                      Душанбе, 13 января. (НИАТ «Ховар», Мавзуна Бойева) — Дар соли 2008 ба дастгоҳи Агентии сохтмон ва меъмории назди Ҳукумати Ҷумҳурии Тоҷикистон аз Ҳукумати Ҷумҳурии Тоҷикистон, Вазорату идораҳои ҷумҳурӣ, ташкилотҳо ва шахсони алоҳида 2688 мактубу ҳуҷҷат ворид шуд, ки нисбат ба ҳамин давраи соли гузашта 23 фоиз зиёд мебошад.  Директори  Агентии  сохтмон ва меъмории  назди Ҳукумати Ҷумҳурии Тоҷикистон Абдувалӣ Комилов дар  маҷлиси хайати  мушовараи  Агентӣ қайд кард, ки хамаи ҳуҷҷату мактубҳои вордшуда сар вақт омӯхта, ба онҳо ҷавоб гардонда шуд.                     Агентии  сохтмон ва меъмории назди Ҳукумати Ҷумҳурии  Тоҷикистон бо мақсади иҷрои Нақшаи чорабиниҳои соли гузаштаи ҳҷҷатҳои харҷномавии корҳои лоиҳавии иншооти  «Донишгоҳи давлатии омўзгории ба номи С. Айнӣ дар ноҳияи Рашт ва биноҳое, ки ба тавозуни иншооти мазкур дода шудаанд»  корҳои лоиҳавии «Азнавсозии майдонҳои варзишӣ дар ноҳияи Тавилдара, Ҷиргатол ва Рашт», нақшаи генералии лоиҳаи иншооти «Сохтмони майдони варзишӣ дар ноҳияи Тоҷикобод барои 6000 ҷои нишаст», лоиҳаи «Сохтмони хонаи маданият дар ноҳияи Тавилдара», «Нақшаи генералии шаҳракҳои Тавилдара ва Ҷиргатол» лоиҳаи ангоравии сохтмони «Меҳмонхона барои 50 нафар» дар маркази ноҳияи Тоҷикобод ва ғайраро ба итмом расонида, барои мувофиқа ба фармоишгар пешниҳод кард. Корҳои лоиҳавии «Нақшаи генералии шаҳри Хоруғ ва марказҳои ноҳияҳои вилоят», лоиҳаи «Хобгоҳи донишҷӯёни Донишгоҳи давлатии шаҳри Хоруғ»,  лоиҳаи кории бинои таълимӣ, хобгоҳ ва иншоотҳои ёрирасони Литсейи Президентии шаҳри Хоруғ ба анҷом расонида шуда, ба фармоишгар супорида шуданд.