ПРОКУРАТУРА ҶАШНГИРАНДАГОНРО БА СУД ДОД

           Душанбе, 10 январ. (АМИТ «Ховар», Лаззат Диловарзод).- Бино ба гуфти ёвари калони прокурори вилояти Суғд, мушовири адлияи дараҷаи -3 Исохӯҷа Тошхӯҷаев, кормандони прокуратураи вилоят дар фаъолияти комиссияҳои маҳаллӣ, ташкилоту  корхонаҳо ва ашхоси алоҳида 17 ҳолати риоя нашудани талаботи Қонуни Ҷумҳурии Тоҷикистонро «Дар бораи танзими анъана ва ҷашну маросимҳо дар Ҷумҳурии Тоҷикистон» ошкор намуд.                    Мақомоти прокуратураи вилоят баҳри бартараф кардани қонуншиканиҳо -152 амр, -12 пешниҳод ва 2 эътироз ба идораҳои дахлдор пешниҳод намуд.         Хамзамон, тибқи моддаи 178-и Кодекси Ҷумҳурии Тоҷикистон барои ҳуқуқвайронкунии маъмурӣ аз ҷониби  прокуратураи шаҳру навоҳии вилоят 11 қарор дар бораи оғози муҳокимаи маъмурӣ бароварда шуда, ба суд фиристода шудааст.