РАИСОНИ ЯК ҚАТОР ШАҲРУ НОҲИЯҲО АЗ ВАЗИФА САБУКДӮШ ГАРДИДАНД

         Душанбе, 16 январ. (АМИТ «Ховар», Темур Бандишоев).- Дар шаҳри Душанбе маҷлиси васеи  Ҳукумати ҷумҳурӣ давом дорад. Тавре хабар дода шуда буд, дар он аъзои  раёсати Ҳукумати мамлакат, кормандони масъули Дастгоҳи иҷроияи Сардори давлат, роҳбарони вазорату идораҳо, ташкилотҳо, муассисаҳо ва бонкҳои ҷумҳурӣ, раисони вилояту шаҳрҳо ва ноҳияҳои мамлакат иштирок доранд.         Имрӯз дар маҷлиси Ҳукумат раисони шаҳри Хуҷанд Муҳаммадҷон Мамадҷонов, ноҳияи Айнӣ Шодиқул Бобоҷонов, ноҳияи Бобоҷон Ғафуров Абдузафар Инъомов ва ноҳияи Спитамен Роҳбарой Ҷамолова аз вазифа озод карда шуданд.