РОҲИ ОҲАН 14 МЛН. БОР КАШОНДА 8 НАФАРРО КУШТ

         Душанбе, 16 январ. (АМИТ «Ховар», Лаззат Диловарзод).- Нишастҳои матбуотӣ ба бисёр чизҳо равшанӣ меандозад. Бино ба суханони раиси Корхонаи воҳиди  давлатии «Роҳи оҳани Тоҷикистон» Амонуллоҳи Ҳукуматулло, соли 2008 тавассути роҳи оҳани Тоҷикистон 14 миллиону 555 ҳазор тонна бор кашонида шудааст, ки нисбат ба ҳамин давраи соли 2007 ба миқдори 27 ҳазор тонна зиёд аст. «Роҳи оҳани Тоҷикистон» соли сипаришуда зиёда аз 800 ҳазор тонна маҳсулоти хоҷагии кишоварзиро ба хориҷи кишвар бароварда, воридоти молро ба Ҷумҳурии Тоҷикистон ба 4 миллиону 400 ҳазор тонна расонид. Баробари чунин хизматрасонӣ, мутаассифона бар асари  ҳодисаҳои нохуши нақлиётӣ дарроҳи оҳани Тоҷикистон 8 нафар шаҳрвад ҷони худро аз даст дод.