САРМОЯГУЗОРИИ ХОРИҶӢ БА ИҚТИСОДИ ПОЙТАХТ АФЗОИШ МЕЁБАД

              Душанбе, 15 январ.(АМИТ «Ховар», Марзия Саидова).-Сармоягузории хориҷӣ ба иқтисодиёти пойтахт дар соли 2008-ум  167,1 миллион доллари амрикоиро ташкил дод. Тибқи нишондодҳои оморӣ он нисбат ба соли 2007-ум 1,6 маротиба зиёд аст. Қисми асосии сармояи хориҷӣ, аниқтараш 136,4 миллион доллар ба соҳаи сохтмон ва 30,9 миллион доллар ба соҳаи алоқа равона гардидааст, ки ин шаҳодати баланд гардидани  сатҳи эътимоди  сармоягузорони хориҷӣ аз вазъи микроиқтисодӣ ва макроиқтисодӣ дар Тоҷикистон аст. Ҳамзамон саҳми сармоягузорони хориҷӣ дар рушди соҳаҳои саноат, хоҷагии манзил  ва савдо назаррас аст.