ШӮЪБАИ УМУРИ ДОХИЛА 263 ҶИНОЯТРО КУШОД

           Душанбе, 4 январ. (АМИТ «Ховар», Лаззат Диловарзод).- Дар ҷаласаи навбатии мақомоти  маҳаллии ҳокимияти давлатии шаҳри Ваҳдат ба фаъолияти кормандони шӯъбаи умури дохилаи шаҳр баҳои баланд дода шуд.         Дар соли 2008 беш аз 270 ҷиноят ба қайд гирифта шуд , ки 234 адади он кушода шудааст.Сатҳи кушодашавии ҷиноятҳо дар самти дузӣ -69,1 фоиз, ҷиноятҳои вазнин-69,2, авбошӣ -96, таҷовуз, ғоратгарӣ ва тамаъҷӯӣ -100 фоизро ташкил медиҳад.       Дар давоми соли 2008 — 41 адад силоҳи оташфишон, аз ҷумла, 11 автомат, 13 туфангча, 7 яроқи шикорӣ, 4 гранатомёт, 5 норинҷак дарёфт ва мусодира шудааст, ки нисбат ба соли 2007-1 адад кам аст.      Дар ноҳия аз тарафи кормандони умури дохила ҳамчунин 17 ҳодисаи дарёфти маводи нашъаовар ба қайд гирифта шудааст.