ШӮРОИ АМНИЯТИ СММ ВАЗЪИЯТИ ВОҲАИ ҒАЗЗАҲРО МУҲОКИМА МЕКУНАД

         Ню – Йорк,  4  январ. (АМИТ «Ховар» —  Синхуа). —  Шӯрои  амнияти  СММ  қарор  қабул  кард, ки  вобаста ба  муташанниҷ  гардидани  вазъияти   воҳаи  Ғаззаҳ  машварати  ғайринавбатӣ  гузаронад. Аз  рӯи  натиҷаҳои  онҳо  дар  бораи   даъвати  маҷлиси   расмии   Шӯрои  амният  қарор  қабул  карда  хоҳад  шуд. Тавре  хабар  дода шуда буд, ҳайати  Лубнон   қабл  аз  ин,  31  декабри соли  2008  аз  номи  гурӯҳи  мамлакатҳои  араб  ба  маҷлиси  ғайринавбатии   Шӯрои  Амният  лоиҳаи  қатъномаро  пешниҳод  намуд.  Дар  он   амалиёти  ҳарбии  Исроил  дар  воҳаи  Ғаззаҳ  шадидан  маҳкум  карда,  аз  он   даъват  ба  амал  оварда  мешавад, ки   зӯроварию  амалиёти  ҳарбиро  дар  ин  ҷо  фавран  қатъ  намояд.        Тибқи  хабарҳои  расида,   қисмҳои  ҳарбии  Исроил  шаби  гузашта,   ба  воҳаи  Ғаззаҳ  ворид  гардиданд. Бар  асари   амалиёти  якҳафтаинаи   низомии  Исроил дар  воҳаи  Ғаззаҳ зиёда  аз  450   фаластинӣ  ба  ҳалокат  расид.