СОХТМОНИ ИНШООТҲОИ ТАНДУРУСТӢ ДАР МУРҒОБ

             Душанбе, 4 январ. (АМИТ «Ховар», Лаззат Диловарзод).- Бо иттилои вазири тандурустӣ Нусратулло салимов, аз рӯи нақша- чорабиниҳо оид ба рушди иҷтимоию иқтисодии вилояти Мухтори Кӯҳистони Бадахшон, ки аз ҷониби Президенти Ҷумҳурии Тоҷикистон Эмомалӣ Раҳмон тасдиқ шудааст, соли 2010 дар деҳаи Башҷумбеди ноҳияи Мурғоб ба маблағи 350 ҳазор сомонӣ сохттмон анҷом дода мешавад. Иншооти сохтмонӣ иборат аз маркази саломатӣ буда, бори аввал тарҳрезӣ шудааст.           Соли 2011 сохтмони шӯъбаи таваллудхона барои 10 кат дар деҳаи Қарокӯл ба маблағи 500 ҳазор сомонӣ пешбинӣ шудааст. Ин нақша дар асоси номгӯи иншоотҳое, ки сохтмонашон дар солҳои 2009- 2011 аз ҷониби Вазорати тандурустӣ бунёд карда мешавад, аз буҷети давлатӣ маблағгузорӣ  мегарданд.