СОЛИ БОБАРОР

                                              Душанбе, 13 январ. (АМИТ «Ховар», Фарангис Раҳимова).- Роҳбари Сараёсати  геологияи назди Ҳукумати ҷумҳурӣ Азим Иброҳим имрӯз зимни нишасти матбуотӣ ба хабарнигорон гуфт, ки дар раёсат тӯли соли 2008 дар бораи ҳамкорӣ бо корхонаю ширкатҳои геологии  мамлакатҳои хориҷӣ силсилаи гуфтушунидҳо анҷом дода шуд. Аз ҷумла бо ширкати «Омега-инвест» ва  «Оллн» — и  Қазоқистон, ширкати  «Газпром» — и Русия ва ширкати  «ТВЕА» — и Чин, намояндагони агентии тиҷорат ва рушди ИМА, ширкати  «Тетис»  — и ИМА ва ғайра дар масъалаи  гузаронидани тадқиқоти геологӣ  мубодилаи афкор сурат гирифт.        Азим Иброҳим афзуд, ки соли гузашта бо корхонаю муассисаҳои гуногун дар бораи тадқиқоти мавзеъҳои мамлакат дар бобати ошкор намудани манбаъҳои сарватҳои зеризаминӣ якчанд қарордоду созишнома ба имзо расид.