СОЛИ ГУЗАШТА РИШВАХӮРӢ АВҶ ГИРИФТ

                  Душанбе, 24 январ. (АМИТ «Ховар», Лутфия Эшонқулова). — Мувофиқи ҳисоботи Кумитаи давлатии омори ҷумҳурӣ «Дар бораи вазъияти иҷтимоию иқтисодии мамлакат дар соли 2008» соли гузашта дар ҷумҳурӣ миқдори содир шудани ҷиноят, ба истиснои вилояти Хатлон, 3,8 фоиз кам шуд. Миқдори ҷиноят дар вилояти Хатлон 4,2 фоиз афзуд. Соли гузашта дар саросари мамлакат 2,5 ҳазор ҷинояти вазнин ба қайд гирифта шуд. Дар ин муддат теъдоди ҳодисаҳои талаю тороҷ 12 фоиз кам шуд. Дар баробари ин миқдори ҳодисаҳои ришвахӯрӣ, қаллобӣ ва таҷовуз ба номус зиёд гардид. Соли гузашта ба ҳисоби миёна 86,7 фоизи тамоми ҷиноятҳои содиршуда фош карда, ҷинояткорон ҷазо дода шуданд.