СОЗИШНОМА ДАР СОҲАИ КОМПЛЕКСИ АГРОСАНОАТӢ

         Душанбе, 5 январ. (АМИТ «Ховар», Лаззат Диловарзод).- Бино ба иттилои Маркази матбуот ва иттилооти Вазорати кишоварзӣ, миёни Вазорати кишоварзии Ҷумҳурии Тоҷикистон ва Вазорати сиёсати аграрии Украина оид ба ҳамкорӣ дар соҳаи комплекси агросаноатӣ Созишнома ба имзо расид. Тибқи Созишномаи ба имзорасида, ҳамкориҳои иқтисодӣ, илмӣ — техникӣ барои солҳои 2009- 2015 дар соҳаҳои растанипарварӣ, чорводорӣ, аз ҷумла, зотпарварӣ, байторӣ, биотехнология, рушди мошинсозии кишоварзӣ, рушди тарзи нави хоҷагидорӣ ва тарбияи мутахассисони соҳаҳои мухталифи кишоварзӣ ба роҳ монда мешавад.  Тарафҳо барои амалӣ шудани Созишномаву робитаҳои байни субъктҳои хоҷагидорӣ ва фароҳам овардани шароит муваззаф гардидаанд.