ТАЪЛИМ ДАР ВАГОНҲО ХОТИМА МЕЁБАД

  Душанбе, 5 январ. (АМИТ «Ховар», Лаззат Диловарзод).- Аз Вазорати маорифи ҷумҳурӣ иттилоъ доданд, ки маблағгузорӣ аз буҷа барои соҳаи маориф дар соли 2009 имкон медиҳад, ки таъмир ва азнавсозии мактабҳое, ки дар хонаҳои шахсӣ ва вагонҳо ҷойгиранд пурра ба синфхонаҳои замонавӣ иваз карда шаванд.  Дар соли 2009 барои сохтмони мактабҳо ва донишкадаҳои ҷумҳурӣ  дар буҷа 146,2 млн.сомонӣ пешбинӣ шудааст. Аз ҷумла барои таъмир ва азнавсозии мактабҳое, ки дар хонаҳои шахсӣ  ҷойгир шудаанд 14,0 млн. сомонӣ ҷудо карда мешавад. Барои сохтмони навбати  дуюми Донишгоҳи миллии Тоҷикистон барои соли 2009 аз буҷа 10 млн. сомонӣ равона мегардад. Ин як мисоли хурд нишони он аст, ки Ҳукумати ҷумҳурӣ нисбат ба соҳаи маориф таваҷҷӯҳи махсус зоҳир меамояд.