ТОЗА КАРДАНИ ЗАМИНҲО АЗ ҒӮЗАПОЯ КАШОЛ МЕЁБАД

         Душанбе, 6 январ. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ, тоза кардани заминҳо аз ғӯзапоя дар вилояти Суғд кашол дода мешавад.         То 31-уми декабри соли 2008 дар ин вилоят аз майдони 63 ҳазор гектар ҳамагӣ масоҳати 44 ҳазору 658 га аз ғӯзапоя тоза карда шудааст, ки ин ба 70,9 фоизи майдони умумӣ баробар аст.         Тоза кардани замин аз ғӯзапоя дар ноҳияи Ашт ба андозаи 70 фоиз, Зафаробод-62, Конибодом-69, Б.Ғафуров-69,1, Ҷ.Расулов-70, Спитамен-70,3 ва ноҳияи Мастчоҳ-84 фоиз анҷом дода шудааст.