ЗАНОН ДАР КУРСҲОИ РОҲБАРӢ ТАҲСИЛ МЕКУНАНД

Душанбе, 13 январ. (АМИТ «Ховар», Фарангис Раҳимова).- Раиси Кумитаи кор бо занон ва оилаи назди Ҳукумати ҷумҳурӣ Хайринисо Юсуфӣ дирӯз дар ҷараёни нишасти матбуотӣ хабар дод, ки соли гузашта дар 16 шаҳру ноҳияи ҷумҳурӣ барои ғанитар гардонидани донишу маълумоти ҳуқуқии занону духтарон шӯроҳои машваратӣ таъсис дода шуданд. Соли гузашта инчунин қарори Ҳукумат дар бораи  таъсиси Муассисаи давлатии  Маркази таълимии «Чароғи ҳидоят» барои духтарони ятим қабул карда шуд. Ҳадафи он омода сохтани духтарон ба вазифаҳои роҳбарикунанда мебошад.           Хайринисо Юсуфӣ афзуд, ки  соли гузашта мувофиқи барномаи омода сохтани занони роҳбар дар курсҳои таълимӣ 90 нафар кормандони вазорату идораҳо  курсҳои дахлдорро хатм намуданд.