ҚУРБИ ДОЛЛАР ПАСТ ГАРДИД

                   Душанбе, 9 феврал. (АМИТ «Ховар», Покиза Маҳмадбекова). — Имрӯз дар нуқтаҳои мубодилаи асъор ба муштариён асъорро ба ҳисоби миёнаи 3,74 — 3,78 сомонӣ барои 1 доллари ИМА пешниҳод намуданд.                   Тавре аз Бонки миллии Тоҷикистон ба мухбири АМИТ «Ховар» иттилоъ доданд, дар ҳоли ҳозир бозори асъор мӯътадил гардидааст ва нуқтаҳои мубодилаи асъори шаҳри Душанбе дар ҳолати маъмулии кор фаъолият доранд.                  Қобили қайд аст, ки хафтаи сипаригашта якбора паст рафтани қурби пули миллӣ дар ҷумҳурӣ аҳолиро ба ташвиш оварда буд, ва имрӯз бо дастгирии БМТ қурби пули милллӣ дар як сатҳи муайян нигоҳ дошта мешавад. Умуман, бояд гуфт, ки дар бозор миқдори кофии асъори хориҷӣ ба назар мерасад.