ҲАҶМИ БОРКАШОНӢ ДАР РОҲИ ОҲАН ЗИЁД ШУД

                 Душанбе, 12 феврал. (АМИТ «Ховар», Лаззат Диловарзод).- Бино ба маълумоти Корхонаи воҳиди давлатии «Роҳи оҳани Тоҷикистон» ҳаҷми боркашонӣ нисбат ба ҳамин давраи соли гузашта 26,3 ҳазор тонна зиёд шуда, ба 14555,4 ҳазор тонна расонида шудааст.                Ҳаҷми боркашонии роҳи оҳан дар қитъаи роҳи оҳани вилояти Суғд 10681,7 ҳазор тонна бор ё баробари 73,4 фоизи ҳаҷми умумии боркашонӣ, дар қитъаи роҳи оҳани Душанбе (якҷоя бо НТҶ) 3384,8 хазор тонна (23,2 фоиз) ва дар қитъаи роҳи оҳани вилояти Хатлон-488,9 ҳазор тонна (3,4 фоиз)-ро ташкил дод.                Дар давоми соли 2008 дар нақлиёти роҳи оҳан ба 22,4 ҳазор вагон мол бор карда, 93,7 ҳазор вагон аз бор холӣ карда шудааст.