ҲАМАГӢ 17 ФОИЗИ ЧИГИТИ ТУХМӢ ЗАҲРОЛУД КАРДА ШУДААСТ

                   Душанбе, 12 феврал. (АМИТ «Ховар», Лаззат Диловарзод).- Бино ба гуфти сардори Раёсати растанипарварии вазорати кишоварзӣ Саидмурод Баҳриддинов, то 10-уми феврали соли ҷорӣ дар хоҷагиҳои пахтакори ҷумҳурӣ 56 ҳазору 818 тонна чигити тухмӣ захира карда шудааст. Аз ин ҳисоб, 41 ҳазору 300 тоннаи он коркард шудааст, ки 73 фоизиро ташкил медиҳад.                  То 10-уми феврал ҳамагӣ 1700 тонна чигити тухмӣ заҳролуд карда шудааст, ки аз талабот хеле кам аст. Заҳролуд кардани чигити тухмӣ дар вилояти Суғд ба миқдори 502 тонна ва дар вилояти Хатлон 216 тоннаро ташкил медиҳад, дар ноҳияҳои тобеи ҷумҳурӣ заҳролуд кардани чигит боз ҳам камтар аст, ки ин боиси ташвиши ҷиддист.