ҲАМКОРИИ КУМИТАИ ИҶРОИЯИ ИДМ ВА КОТИБОТИ СААД ГУСТАРИШ МЕЁБАД

                      Душанбе, 26 феврал.(АМИТ «Ховар», Наргис Бояхмедова). — Имрӯз гурӯҳи коршиносони давлатҳои ИДМ дар шаҳри Минск масъалаҳои марбут ба рушди ҳамкории Кумитаи иҷроияи Иттиҳоди Давлатҳои Мустақилро бо Котиботи Созмони аҳдномаи амнияти дастаҷамъӣ мавриди муҳокима қарор медиҳад. Аз дафтари Кумитаи иҷроияи ИДМ ба АМИТ «Ховар» хабар доданд, ки дар лоиҳаи ҳуҷҷат ба Раиси Кумитаи иҷроия — котиби иҷроияи ИДМ дастур дода мешавад, ки Протоколи ҳамкории кумитаи иҷроияи ИДМ ва котиботи СААД — ро имзо кунад. Ҳадафи протокол рушди ҳамкории ҳар ду созмон дар самтҳои асосӣ бо мақсади ба роҳ мондани муносибатҳо ва хамкории давлатҳои аъзои ИДМ ва СААД дар бобати таҳкими амнияти миллӣ, минтақавӣ ва байналхалқӣ ва тақвияти мубориза ба муқобили зуҳурот ва таҳдидҳои замони ҳозира мебошад.