ҲАВОПАЙМОҲОИ РАЗВЕДКАИ РАДИОЭЛЕКТРОНИИ ИМА БА АФҒОНИСТОН ФИРИСТОДА МЕШАВАНД

               Вашингтон, (10 феврал. АМИТ «Ховар», РБК ). — Ҳайати қумондонии Қувваҳои ҳарбии ҳавоии ИМА хабар дод, ки ҳавопаймоҳои разведкаи радиоэлектронии «Хирон» таъҷилан ба Ироқ ва Афғонистон фиристода мешаванд. Аввалин чунин ҳавопаймоҳо моҳи апрел ба ин мамлакатҳо фиристода хоҳанд шуд. Мувофиқи барномаи «Озодӣ» ба Ироқу Афғонистон 37 ҳавопаймоӣ разведкавӣ фиристода мешавад, ки арзиши умумии онҳо қариб 950 миллион доллар мебошад. Ҳавопаймоҳои мазкур аз соли 1970 сар карда, бо мақсадҳои низомӣ истифода бурда мешаванд.               Намояндаи вазорати мудофиаи ИМА хабар дод, ки то имрӯз барои харидани 31 ҳавопаймо маблағ ҷудо карда шудааст. Бо кӯмаки ҳавопаймоҳои разведкавӣ маҳалли амалиёти силоҳбадастон ба осонӣ ошкор карда мешавад. Чунин ҳавопаймоҳо инчунин, барои ошкор сохтани маҳалли гузоштани бомбаю мина ва лавозимоти дигари тарканда истифода бурда мешаванд.                                                                                                                                       Тарҷумон — Қудратов А.