ҶУСТУҶӮИ АРХЕОЛОГӢ ДАР БАЛҶУВОН

                      Балҷувон, 17 феврал. (АМИТ «Ховар», С. Холов). — Бо мақсади гузаронидани экспедитсияи илмӣ оид ба омӯзиши ёдгориҳои таърихии ноҳияи Балҷувон ҷӯстуҷӯ ва муайян намудани арзишҳои фарҳангӣ ва археологӣ таҳияи китоби таърихи Балҷувон, ҷустӯҷуҳои археологӣ дар моҳи июли соли 2007 ба маблағи 15 ҳазор сомонӣ ва дар моҳҳои август-сентябри соли 2008 ба маблағи 30 ҳазор сомонӣ дар қалъаи таърихии Балҷувон гузаронида шуд. Экспедитсияи илмӣ инчунин аз қалъаҳои Турк, Дектур ва Чорбоғ даври асри сангини деҳаҳои Шаҳиди Бобохону Файзобод дидан намуда, бозёфту маводҳо ҷамъоварӣ намуда барои таҳлил ва омӯзиш ба АИ ҶТ супориданд.                      Вобаста ба ин мавзӯъ қисми аввали китоби «Таърихи мухтасари Балҷувон» аз тарафи Достӣ Шарифов нашр гаштааст ва қисми дуюми китоб омодаи нашр мебошад. Инчунин китобҳои «Навои куҳанро навӣ»-и Холмаҳмад Мавлонов, «Шоҳ Неъматуллоҳи Валӣ»-и Муҳаммади Шоҳ, «Фасонаҳои Балҷувон»-и Абдурафеъ Рабизода ва «Шукуфаҳои Балҷувон»-и Шарофат Атоева нашр гардиданд. Барои ворид намудани ёдгориҳои фарҳангию табиии ноҳия ба руйхати мероси умумиҷаҳонии фарҳангии ЮНЕСКО санадҳои зарурӣ ба коршиносони ЮНЕСКО дар Тоҷикистон пешниҳод гардид.